MARI DOMINGI ETA OLENTZERO ETORRI DIRA ESKOLARA

Atzo, abenduak 22, bisitari bereziak izan genituen eskolan, Mari Domingi eta Olentzero. Napo astoa mendian utzi zuten, nekatuta eta gaixorik baitzegoen. Halere, asteazkenerako prest egongo omen da, beraz, lasai egoteko! Goiz polita pasa genuen denok, eta opariak ere ekarri zizkiguten...   ESKERRIK ASKO BIOI!

Gabon zoriontsuak pasa ditzazuela eta oporren ostean, berriro bilduko gara eskolan!

Hementxe irudi batzuk:  Etorri dira Mari Domingi eta Olentzero

ERAKUSKETA

 

Ikusi nahi duzue nola joan den gaurko ERAKUSKETAREN ibilbidea? Klikatu beheko estekan, eta bertan agertzen dira gure ikasleen aurkezpenak. 

 

Bestalde, gaur arratsaldean eskolara gerturatzeko aukerarik izan ez duzuenontzat, gure blogeko IRRATIA atalean entzungai izango duzue, eta baita jarraian agertzen den helbidean ere. 

Lan bikaina egin dute gure ikasle eta irakasleek, gozatu erakusketaz!

            BIDEOA: ERAKUSKETA 

            IRRATIA: Erakusketa

KARAOKEA

 Atzo goizean karaoke saioa antolatu genuen eskolan eta abeslari bikainak ditugu gure artean. Aukeratutako abestiak ezagutzen badituzue, abestu gurekin batera!  Hementxe dituzue hainbat irudi eta bideo: 

                                    

      Irudiak: Karaokea

      Bideoak: 

        

                    ✔  HH  

                    ✔  LH 1-2 

                    ✔   LH 3-4

                    ✔   LH 5-6  eta  LH 5-6               

GABONETAKO POSTALA

 

Olentzero eta astoa basora joan dira,
bidean galdu eta haserretu dira...

Badatoz Gabonak, eta horiekin batera, gure postala!!!

Argazkiak!

GABONETAKO PINUA

 Oraingo honetan, Ioritz eta Aritz sukaldariek hamaiketako goxo-goxoa prestatu digute. Ikusi nahi duzue nola egin duten? Klikatu azpiko estekan eta hortxe ikusiko duzue pausoz pauso. Ea hurrengoan ere hamaiketako berezi bat prestatzen diguten, gu zain egongo gara eta!😋

  Gabonetako pinua

IPUIN KONTALARIAK

Eskerrik asko Asier, Laida, Nahia, Aroa eta Inge eskolara ipuina kontatzera etortzeagatik! Oso gustura egon gara, mila esker!!!

EUSKARAREN ASTEA

Aste honetan Euskararen Astea ospatu dugu eskolan. Eskolako sarreran Euskararen txantxangorria euskarari idatzitako mezuekin osatu dugu. Honetaz gain, taloak erre eta jan ditugu eta Herri kirolak ere egin ditugu.

Astea bukatzeko patioan egindako hizkuntzen erabilerari buruzko datuak aztertu ditugu asanblada batean. Datu hauen arabera, gure eskolako patioan euskara da nagusi. 2022an egindako neurketarekin konparatuta euskara gehiago erabiltzen da eta elkarrizketa elebidunak ere gero eta gehiago dira. Datu pozgarria da baina elikatzen jarraitu beharrekoa.

Guztion esku dago, jarrai dezagun euskara erabiltzen eta euskaraz bizitzen!

 

LIZTOR ASIARRENTZAT TRANPA SINPLEAK

Liztor asiarrentzako tranpak jarri ditugu beheko parkearen inguruan. Nahiz eta garaia ez izan, jarri egin ditugu probatzeko. Ez kendu mesedez. 

Liztor asiarren tranpak egiteko honako bideo hau ikusi dezakezue. Guk horrela egin genituen:

https://www.youtube.com/watch?v=JpvZoCtHuuQ&t=272s