LH 3-4kook ipuinak kontatu dizkiegu Haur Hezkuntzakoei. Hemendik aurrera AUDIOLIBURUAK izeneko atala jarriko dugu martxan eta horrela etxetik ere entzun ahal izango dituzue.
Mila esker Uxue eta Ugaitz!!!
2025/09/29
MENDI IRTEERA LEABURURA
Pasa den ostegunean Lehen Hezkuntzako ikasleak mendi irteera egin genuen, 9.00etan eskolatik atera eta Leaburura abiatu ginen bertan bazkaltzeko. Bidetik hainbat animalia ikusi eta gaztainak ere topatu genituen. Gure inguruak goxatuz egun zoragarria izan genuen!
Sakatu beheko argazkian argazki gehiago ikusi ahal izateko!
2025/09/26
ESKOLAKO BARATZA
Lehenengo eta bigarren mailako ikasleek herriko plano bat eman digute haur hezkuntzakooi,eta bertan, X hizkiarekin markatuta, herrian zehar gordetako pistak agertzen ziren. Ez da erraza izan, baina azkenean lortu dugu. Ba al dakizue zer aurkitu dugun pista horiei jarraituz? ESKOLAKO BARATZA BERRIA. A ze sorpresa! Oraindik bukatzeko dagoen arren, jada pentsatzen hasi gara zer egingo dugun bertan. Hementxe dituzue irudi batzuk.
2025/09/19
GELAN GOSALTZEN
LH1-2 mailakook ondo lo egitea eta gosaltzea zein garrantzitsua den lantzen ibili gara. Aurreko astean bakoitzak etxetik zerbait ekarri eta denok batera gelan gosaldu genuen. Zein goxoa zegoen dena!!
2025/09/08
IKASTURTE BERRIA HASI DUGU
Kaixo, denoi:
Ostiralean eman genion hasiera 2025-2026 ikasturteari. A zer nolako ongietorria!
Irakasle berriak ezagutu genituen, baita 2 urteko neska-mutilak ere.
Goiz polita pasa genuen, udan bizitako esperientziak elkarri kontatuz, eta ondoren, hainbat jolas egin genituen eskolako hainbat txokotan. Ikusi nahi al dituzue ateratako argazkiak? Klikatu beheko argazkian.
Harpidetu honetara:
Iruzkinak (Atom)